Իրավական տեղեկատվություն և վճարման պայմաններ

CallIn-ը հավաքում և օգտագործում է միայն այն տվյալները, որոնք անհրաժեշտ են հաշիվ ստեղծելու, հրավեր կազմելու, հյուրերի պատասխանները պահպանելու, վճարումները կազմակերպելու և հաճախորդին աջակցություն տրամադրելու համար։

Մենք չենք վաճառում Ձեր տվյալները երրորդ անձանց։

Տվյալների փոխանցումը կատարվում է պաշտպանված կապով։ Օգտահաշվի տվյալներին հասանելիություն ունեք Դուք, իսկ հրապարակված հրավերի հղումը հասանելի է այն անձանց, ում տրամադրում եք այդ հղումը։

Ձեր համաձայնության դեպքում մենք օգտագործում ենք Meta Pixel-ը միայն մարքեթինգային և հաշվի ստեղծման անվտանգ էջերում՝ էջերի դիտումները և գովազդի արդյունավետությունը չափելու համար։ Meta Pixel-ը չի գործարկվում հրապարակված հրավերների, հյուրերի պատասխանների, ալբոմների, վճարման, գաղտնաբառի վերականգնման կամ հաստատման էջերում։

Մշակվող տվյալները կարող են ներառել անունը, էլ․ փոստի հասցեն, հեռախոսահամարը, Google կամ Apple նույնականացման տվյալները, միջոցառման տվյալները, հրավերի տեքստերը, լուսանկարները, հյուրերի անունները, մասնակցության պատասխանները և վճարման կարգավիճակը։

Տվյալները մշակվում են ծառայություն մատուցելու, պայմանագրային պարտավորությունները կատարելու, վճարումը հաստատելու, տեխնիկական աջակցություն տրամադրելու, անվտանգությունը պահպանելու և իրավական պահանջները կատարելու նպատակներով։

Դուք կարող եք ինքնուրույն և մշտապես ջնջել հաշիվը /delete-account էջից կամ բջջային հավելվածի հաշվի բաժնից։ Որոշ տվյալներ կարող են պահպանվել այն ժամկետով, որն անհրաժեշտ է հաշվապահական, իրավական կամ վեճերի լուծման նպատակներով։

Հրավերի կազմումը, խմբագրումը և նախադիտումը անվճար են։ Վճարումը գանձվում է միայն այն պահին, երբ Դուք հրապարակում եք հրավերը կամ պատվիրում եք վճարովի անհատական ծառայություն։

Հրապարակումից հետո թվային ծառայությունը համարվում է մատուցված, քանի որ հրապարակված հղումը հասանելի է դառնում հյուրերին։ Այդ պատճառով հրապարակված հրավերի վճարը, որպես կանոն, վերադարձման ենթակա չէ։

Եթե վճարումը կատարվել է տեխնիկական սխալի հետևանքով, նույն պատվերի համար գանձվել է կրկնակի գումար, կամ ծառայությունը չի տրամադրվել մեր մեղքով, դիմեք մեզ՝ գործարքի տվյալներով։ Նման դեպքերը կստուգվեն անհատապես, և հաստատման դեպքում գումարը կվերադարձվի նույն վճարային եղանակով։

Հրապարակումից առաջ վճարովի անհատական ծառայության չեղարկման հարցերը քննարկվում են ըստ կատարված աշխատանքի ծավալի։

CallIn-ը տրամադրում է թվային հրավիրատոմսերի ստեղծման, խմբագրման, հրապարակման և հյուրերի պատասխանների կառավարման ծառայություն։ Ծառայությունը մատուցվում է առցանց՝ կայքի կառավարման վահանակի միջոցով։

Հաճախորդը պատասխանատու է հրավերի մեջ տեղադրված տեքստերի, լուսանկարների, երաժշտության հղումների և այլ նյութերի օրինականության ու ճշգրտության համար։ Արգելվում է տեղադրել անօրինական, վիրավորական կամ երրորդ անձանց իրավունքները խախտող նյութեր։

Հրապարակված հրավերի հղումը գործում է առցանց և կարող է խմբագրվել նաև հրապարակումից հետո։ Մենք կարող ենք ժամանակավորապես սահմանափակել հասանելիությունը տեխնիկական սպասարկման, անվտանգության կամ իրավական պատճառներով։

Ծառայությունը չունի ֆիզիկական առաքում։ Հրավերը տրամադրվում է թվային հղման տեսքով՝ հրապարակման գործողությունից հետո։